由於香港兒童近視比率相當高，所以造就咗香港成為一個兒童近視控制研究基地，有好多高水平嘅相關研究都係香港做的。亦因如此，近年有不少科研成果已被商品化，供大眾選擇。
市面上有五花八門嘅兒童近視控制方法，咁佢哋嘅成效又有咩分別呢？喺解答呢個問題之前，有一個數據係家長需要明白的，就係近視控制比率 (%)：譬如話某種近視控制方法有50% 控制比率，即係相比配戴普通近視眼鏡如果一年帶來100度嘅近視升幅，若有做該近視控制措施，近視加深比例便會減少50%，即係只加深50度。一般而言50%或以上嘅控制比率已經有一個不錯嘅效果，因為做咗之後，可以大大減低日後患有600度以上深近視嘅機會，同埋隨之而發生嘅併發症 (重溫：https://www.taikwongeyecare.com/2019/11/深近視又有咩好怕喎/)。
以下就係不同近視控制方法嘅控制比率 (由於某些方法有大量不同嘅研究結果，所以只有一個約數供參考)：
1) 光學離焦鏡片 (DIMS Lens): 59%
2) 光學離焦隱形眼鏡: ~50%
3) 晚間角膜矯形鏡/ OK鏡: ~50%
4) 低濃度阿托品眼藥水: ~60%
每一種兒童近視控制方案都有佢哋嘅利與弊，價格亦都有所不同，有興趣嘅家長歡迎查詢。至於根據本人和不同家長溝通後所知，OK鏡仍有一定嘅吸引力，因為佢除咗可以控制近視加深外，亦有臨時矯正近視嘅效果，小朋友可以係日頭唔使帶近視眼鏡都享受到清晰嘅視力，方便佢哋做運動和表演，而且唔使戴著厚厚嘅眼鏡，某程度上都增加咗佢哋嘅自信心。
兒童近視控制呢個議題，好大部份香港嘅家長或多或少都要面對下，我都唔想我個女咁快有近視，而家都係盡量有機會就帶佢行下公園，望吓遠野，等佢眼睛可以吸收下適量嘅陽光，延遲近視嘅來臨！
陳家豪, Paco
註冊視光師 (第I部份)